Naməlum şəxslər Saşa Yunisoğlunu döydülər

Azərbaycan millisinin sabiq futbolçusu Saşa Yunisoğlu döyülüb. 

Sportline.az ona.az saytına istinadən xəbər verir ki, hadisə Xətai rayonu N.Rəfiyev küçəsində qeydə alınıb. 2 naməlum şəxs xuliqanlıq zəminində 1985-ci il təvəllüdlü Bakı şəhər sakini Saşa Yunisoğlunu döyüb. Polisə bu barədə zərərçəkən özü şikayət edib. Hadisəni törədən şəxslər axtarılır. 

Qeyd edək ki, döyülən şəxs 2007 - 2011-ci illərdə Azərbaycan millisinin şərəfini qoruyub.