"Səbail" ilk oyunda məğlub oldu
Bolqarıstanda təlim-məşq toplanışında olan "Səbail" ilk yoxlama oyununu keçirib.
Sportline.az xəbər verir ki, Aftandil Hacıyevin baş məşqçilik etdiyi komanda yerli "Lokomotiv"lə üz-üzə gəlib. Qarşılaşma Plovdiv təmsilçisinin 1:0 hesablı qələbəsi ilə yekunlaşıb.
Qeyd edək ki, "Səbail" Bakıdakı toplanışda "Qarabağ"a 1:3 hesabı ilə uduzub. "Dənizçilər" Bolqarıstanda daha 3 oyun keçirəcək. Komanda iyunun 25-də "Beroe" (Bolqarıstan), 28-də "Klinçeni" (Rumıniya), iyulun 1-də isə "FK Makedoniya" (Makedoniya) ilə qarşılaşacaq.
