"Səbail"in futbolçusu "Stemford Bric"də
"Səbail"in futbolçusu Maykl Essyen xeyriyyə matçında meydana çıxıb.
Sportline.az xəbər verir ki, o, "Soccer Aid" şirkəti tərəfindən təşkil olunan UNICEF-ə dəstək xarakterli oyuna qatılıb.
Londonun "Stemford Bric" arenasında keçirilən görüşdə Esyenin də oynadığı dünya seçməsi ilə İngiltərə əfsanələri üz-üzə gəliblər. Qarşılaşmada Didye Droqba, Rikardo Karvalyo, Frenk Lempard, Co Koul, Con Terri kimi veteran oyunçularla yanaşı, qadın futbolçular da çıxış edublər .
Əsas vaxtı 2:2 başa çatan matçın penaltilər seriyasında daha dəqiq oynayan Esyenin komandası qələbə qazanıb.
