Slavçevdən "Qarabağ"la bağlı açıqlama

"Qarabağ"la mövsümün sonuna kimi müqaviləm var. Mənim bildiyim yalnız budur. Haqqımda yazılanlar isə şayiədir".

Sportline.az xəbər verir ki, bu sözləri Sportinfo.az-a açıqlamasında "Qarabağ"ın yarımmüdafiəçisi Simeon Slavçev deyib.

Bolqarıstanlı futbolçu "Qarabağ"ı Sofiya "Levski"sinə dəyişəcəti ilə bağlı ölkəsinin mətbuatında yayılan xəbərə münasibət bildirib. 26 yaşlı oyunçu yerli klubdan hər hansı təklif almadığını söyləyib:

"Qarabağ"ın mənimla bağlı mövqeyini bilmirəm. Sadəcə, onu deyə bilərəm ki, yaya qədər müqaviləm var. Mənə "Levski"dən təklif olmayıb. Belə bir şey olanda əvvəlcə kluba müraciət edirlər. Məndə isə hər hansı məlumat yoxdur".