"Sumqayıt" "Neftçi" ilə oyuna belə hazırlaşır
Azərbaycan Premyer Liqasının 9-cu turunda “Neftçi” ilə qarşılaşacaq “Sumqayıt” oyuna hazırlığı davam etdirir.
Sportline.az xəbər verir ki, komanda Ayxan Abbasovun rəhbərliyi altında “Kapital Bank Arena”nın ehtiyat meydançasında məşqə çıxıb.
Məşqin ilk 25 dəqiqəsi fiziki hazırlıq hərəkətləri ilə keçirilib. Daha sonra isə müxtəlif toplu çalışmalar olunub. 1.5 saat davam edən məşqə ikitərəfli oyunla yekun vurulub.
“Sumqayıt” – “Neftçi” görüşü 27 oktyabr, saat 17:30-da “Kapital Bank Arena”da keçiriləcək.
