"Sumqayıt" - "Qarabağ" görüşü fərqli başlanacaq

Sumqayıt şəhərinin 70 illik yubileyi ilə əlaqədar, silsilə tədbirlər keçirilməkdədir.

Sportline.az xəbər verir ki, futbol üzrə Azərbaycan Premyer Liqasının XII turunun “Sumqayıt” - “Qarabağ” matçından öncə də, xüsusi tədbir nəzərdə tutulub.

Bu barədə “Sumqayıt”ın mətbuat xidməti məlumat yayıb. Bildirilir ki, 22 noyabr – Sumqayıta şəhər statusunun verilməsinin 70-ci ildönümünə təsadüf etdiyindən "Sumqayıt" - "Qarabağ" oyununun başlama saatından 30 dəqiqə əvvəl azarkeşlər və şəhər ictimaiyyəti üçün stadionda musiqili proqram təşkil ediləcək.

Qeyd edək ki, noyabr 22-də "Kapital Bank Arena"da keçiriləcək "Sumqayıt" – "Qarabağ" matçına saat 19:00-da start veriləcək.