"Sumqayıt" yoxlama oyununa çıxacaq

Hazırlığın ilk mərhələsini Azərbaycanda keçirən "Sumqayıt" yoxlama matçında qüvvəsini sınayacaq.

Sportline.az klubun rəsmi saytına istinadən xəbər verir ki, "kimyaçılar" təlim-məşq toplanışı çərçivəsində ilk yoxlama görüşünü sabah keçirəcəklər.

Ayxan Abbasov yetirmələrini I divizion təmsilçisi "Şüvəlan"la oyunda sınayacaq. "Dalğa Arena"nın köməkçi meydançasında baş tutacaq qarşılaşma saat 15:00-da start götürəcək.

Qeyd edək ki, "Sumqayıt" təlim-məşq toplanışının ikinci mərhələsi üçün yanvarın 13-də Türkiyəyə uçacaq.