"Sumqayıt"ın ilk transferi - Vüqar Mustafayev
2019/2020-ci illər mövsümü üçün transfer çalışmalarına start verən “Sumqayıt” ilk futbolçu transferini reallaşdırıb.
Sportline.az klubun saytına istinadən xəbər verir ki, "gənclik şəhəri" təmsilçisi son mövsümü “Zirə”də keçirən Vüqar Mustafayevlə anlaşıb. 1 illik müqaviləyə imza atan dayaq yarımmüdafiəçisi “Sumqayıt”da 6 nömrəli formada çıxış edəcək.
Qeyd edək ki, Vüqar Mustafayev “Zirə” ilə yanaşı (79 oyun, 1 qol), “Bakı” (16 oyun), “Simurq” (13 oyun) və “Qarabağ”ın (6 oyun) uğurları üçün çalışıb. U-21 (8 oyun) və A millidə (1 oyun) formasını geyinmiş Vüqar U-23 millisinin heyətində IV İslam Həmrəylik Oyunlarının qalibi olub.
