Van Persi şərhçi kimi çalışacaq
Mövsümün sonunda futbolçu karyerasını başa vuran Hollandiya millisinin sabiq üzvü Robin van Persinin yeni iş yeri məlum olub.
Sportline.az Britaniya mətbuatına istinadən xəbər verir ki, veteran hücumçu, bundan sonra şərhçi kimi çalışacaq. İngiltərənin “BT Sport” kanalında işləyəcək Van Persi, matçlardan əvvəl və sonra fikirlərini bildirəcək.
Qeyd edək ki, Van Persi “Feyenoord”, “Arsenal”, “Mançester Yunayted” və “Fənərbağça”nın şərəfini qoruyub. 102 dəfə Hollandiya millisinin formasını geyinən futbolçu 50 qola imza atıb.
