Vəli Qasımov: "Bu ilki çempionat çox maraqlı olacaq. Fovaritim isə..."

"Bu ilki çempionat çox maraqlı olacaq. Fovaritim isə, İspaniyadır".

Bu sözləri, Sportline.az saytına açıqlamasında tanınmış veteran futbolçu Vəli Qasımov deyib. İspaniyanın göstərdiyi texnikalı oyunu bəyəndiyini deyən Qasımov, Azərbaycan futbolu ilə paralel də aparıb: "Vaxtı ilə biz də texnikalı futbol nümayiş etdirirdik. Təəssüf ki, son zamanlar həmin oyun tərzindən bir qədər uzağıq".

İspanların imkanlarını yüksək qiymətləndirən veteran futbolçu, onlara əsas rəqib kimi Almaniya millisini görür: "Bu komanda son xavtlar öz üslubunu dəyişib. Əvvəllər daha çox atletizmə, fiziki keyfiyyətlərə üstünlük verirdilərsə, bu günkü oyunlarında sürətlə texnika vəhdət təşkil edir. Düşünürəm ki, qələbəyə əsas namizədlər məhs İspaniya ilə Almaniya komandalarıdır".