Volkov "Qəbələ"yə qoşuldu
“Qəbələ” 2019/2020-ci illər mövsümünün hazırlıqlarını davam etdirir.
Sportline.az klubun saytına istinadən xəbər verir ki, “qırmızı-qaralar” Türkiyənin Bolu şəhərində keçirilən təlim-məşq toplanışının doqquzuncu gününü arxada qoyub.
Sənan Qurbanovun komandası günü iki məşqlə yekunlaşdırıb. Futbolçular hər iki məşq zamanı toplu və topsuz çalışmaları yerinə yetiriblər. Zədəsini sağaltdıqdan sonra bərpa prosesini başa vuran Davit Volkov komandaya qoşularaq, kollektiv çalışmalarda iştirak edib.
