"Xeyli qol imkanlarımız oldu" - Ayxan Abbasov

“Bəlkə bu gün oyun olmasında bir az üstünlüyümüz oldu ki, futbolçularda yorğunluq bir az azalmışdı”. SportLine.az xəbər verir ki, bunu “Sumqayıt”ın baş məşqçisi Ayxan Abbasov deyib.

O, Qazaxıstanın “Jetısu” klubu ilə Antalyadakı yoxlama oyunundan (1:1) sonra fikirlərini klubun "Facebook" səhifəsinə bildirib: “Fərqli 2 hissə oldu. Hər kəsə şans verdik. Ümumən razı qaldım. Xeyli qol imkanlarımız oldu, ancaq istifadə edə bilmədik. Səhvlərimiz də var. Çalışacağıq ki, Antalyada maksimum hazır olaq. Rəqibləri də elə seçmişik ki, çempionatın səviyyəsinə uyğundurlar və onlarla qarşılaşmalarda öz səhvlərimizi görə bilək. Bu gün nə tapşırıq qoyulmuşdu, futbolçular ümumən yerinə yetirməyə çalışdılar".