Yarımçıq dayandırılan "Fənərbağça" - "Beşiktaş" oyunu ilə bağlı qərar verildi
Türkiyə Futbol Federasiyası qalmaqallı İstanbul derbisi ilə bağlı qərar qəbul edib.
SportLine.az federasiyanın saytına istinadən xəbər verir ki, Türkiyə kubokunun yarımfinal mərhələsi çərçivəsində keçirilən "Fənərbağça" - "Beşiktaş" görüşünün qaldığı yerdən oynanılması məqsədəuyğun sayılıb. Beləliklə, derbi 57-ci dəqiqədən davam edəcək.
Görüş mayın 3-ə təyin olunub.
Xatırladaq ki, hesab 0:0 olarkən azarkeşlərlə qonaq komandanın futbolçuları arasında yaşanan mübahisə səbəbindən oyun dayandırılmışdı.
