"Yeni futbolçularımız özünü yaxşı tərəfdən göstərdilər" - Elşad Əhmədov

"Sabah"ın baş məşqçisi Elşad Əhmədov Topaz Premyer Liqasının 15-ci turu çərçivəsində "Zirə"yə qarşı keçirilən görüşdən sonra jurnalistlərin suallarını cavablandırıb.

SportLine.az xəbər verir ki, mütəxəssis əvvəlcə qarşılaşma haqqında fikirlərini bölüşüb.

- Matç maraqlı keçdi. Startda azlıqda qalsaq da, futbolçular ruhdan düşmədi. Təzyiqi davam etdirdik. İlk qol bizə daha da motivasiya verdi. Rəqibə cəmi qol şansı vedik ki, bu da düşünülmüş deyildi.

- Yeni transferlərlə boşluqlar aradan qalxıb, yoxsa heyətinizə yeni oyunçu cəlb edəcəksiniz?

- Bir hücumçuya ehtiyac var. Ola bilər, bunu etdik. Yeni futbolçularımız özünü yaxşı tərəfdən göstərdilər.

Qeyd edək ki, "Zirə" - "Sabah" görüşü qonaqların 2:0 hesablı qələbəsi ilə yekunlaşıb.