Yurgen Klinsmann millinin baş məşqçisi olacaq

ABŞ seçməsinin sabiq çalışdırıcısı Yurgen Klinsmanna Ekvador millisindən təklif var.

Sportline.az xəbər verir ki, bu barədə "El Universo" Ekvador Futbol Federasiyasına istinadən xəbər yayıb. Yazıda bildirilir: "Onlar artıq razılığa gəliblər və yeni baş məşqçi tapdıqlarını hazırda bu vəzifəni müvəqqəti icra edən Xorxe Selikoya da deyiblər". 

Qeyd edək ki, Yurgen Klinsmann əvvəllər Almaniya yığması, "Bavariya" və ABŞ milli komandasının baş məşqçisi olub. 54 yaşlı mütəxəssis 2016-cı ilin noyabrından işsizdir. Ekvador isə Amerika Kubokunda 1 heç-heçə və 2 məğlubiyyətlə qrup sonuncusu olub.