Ançelotti Arda Gülər haqqında danışıb
“Real Madrid”in italiyalı çalışdırıcısı Karlo Ançelotti mətbuat konfransı zamanı türkiyəli futbolçu Arda Gülər haqqında müsbət fikirlər səsləndirib.
Sportline.az xəbər verir ki, təcrübəli mütəxəsis Ardanın “Real Madrid” üçün vacib fiqur olduğunu söyləyib.
“Arda Gülər oyunda yaradıcılığı ilə bizə çox kömək etdi. Pasları oyunu qurma bacarığı yüksək səviyyədədir. Bizim üçün önəmli fiqurdu. Hər matç daha da inkişaf edir”, - deyə Ançelotti bildirib.
Qeyd edək ki, Arda Gülərin “Real Madrid” klubu ilə müqaviləsi 2029-cu ilin iyun ayınadək nəzərdə tutulub.
