Azərbaycan Premyer Liqasında 10 komanda olacaq
Yeni mövsümdə Azərbaycan Premyer Liqasında iştirak edəcək komandaların sayı 8-dən 10-a artırılacaq.
Sportline.az xəbər verir ki, bu haqda AFFA-nın yeni vitse-prezidenti Vaqif Sadıqov bu gün keçirilən mətbuat konfransında bildirib.
"Hamımız klubların sayını artırmaq istəyirik. Onların sayını 10-a çatdırmağı planlaşdırırıq. Bu iki komanda əyaləti təmsil edəcək".
Qeyd edək ki, hələlik adlar rəsmən açıqlanmasa da, həmin iki komandanın “Kəpəz” və “Turan Tovuz” olacağı bildirilir.
