“Barselona” klubu Gyökereş üçün “Sportinq”ə təklif göndərib
“Barselona” klubunun rəhbərliyi “Sportinq”in isveçli futbolçusu Viktor Gyökereş üçün rəsmi təklif göndərib.
Sportline.az “Diario Sport” nəşrinə istinadən xəbər verir ki, “Barselona” klubu yay transfer pəncərəsində Gyökereş üçün “Sportinq”ə 70 milyon avro ödəməyə hazırdır.
Lakin “Sportinq”in rəhbərliyi Gyökereşin mövsümün sonuna qədər qiymətinin 100 milyondan yuxarı olacağını söyləyib.
26 yaşlı futbolçunun “Sportinq”lə müqaviləsi 2028-ci ilin iyun ayınadək nəzərdə tutulub.
Qeyd edək ki, Viktor Gyökereş bu mövsüm bütün turnirlər daxil olmaqla çıxış etdiyi 19 matçda 24 qol və 4 asistlə yadda qalıb.
