Benzema “Real Madrid” haqqında danışıb

“Real Madrid”in sabiq futbolçusu Kərim Benzema maraqlı açıqlamaları ilə gündəmə gəlib.

Sportline.az xəbər verir ki, fransalı futbolçu jurnalistlərə müsahibə verərkən bu fikirləri səsləndirib;

“Real Madrid” dünyanın ən böyük klubudur. İllər keçsə belə bu dəyişməyəcək. Bu mövsüm mükəmməl heyətə malikdilər. Vinisius Mbappe Bellingem və Rodriqo kimi möhtəşəm hücum xəttinə sahibdilər. Lakin problem var. Mbappe mərkəz hücumçusu deyil. Onun əsas mövqeyi hücumun sol cinahıdır. Lakin o mövqeydə dünyanın ən yaxşı futbolçusu Vinisius Junior yer alır”, - deyə K.Benzema bildirib.

Qeyd edək ki, Benzema 2009-2023-cü illərdə “Real Madrid”də çıxış edib.