Dünya çempionatının yeni tarixi müəyyənləşdi
Yüngül atletika üzrə dünya çempionatı 2022-ci ildə keçiriləcək.
Sportline.az xəbər verir ki, bu barədə Beynəlxalq Yüngül Atletika Federasiyasının (World Athletics) rəsmi saytı xəbər yayıb.
Bildirilib ki, yarış 15-24 iyul tarixlərində təşkil olunacaq.
Qeyd edək ki, dünya çempionatı 2021-ci ilin yayında ABŞ-ın Oreqon ştatında olmalı idi. Amma Beynəlxalq Olimpiya Komitəsinin koronavirus pandemiyasına görə Tokio-2020 Yay Olimpiya Oyunlarını növbəti ilə təxirə salması bu turnirin təşkilinə mane olub.
Xatırladaq ki, yüngül atletika üzrə dünya çempionatı 2 ildən bir keçirilir.
