Elxan Məmmədov: "Çempionlar Liqasının finalı Bakıda keçirilə bilər"

AFFA-nın baş katibi Elxan Məmmədov bəyan edib ki, Çempionlar Liqası finalı Azərbaycanda keçirilə bilər.

Sportline.az xəbər verir ki, o, jurnalistlərə açıqlamasında deyib:

"Gələcəkdə Çempionlar Liqasının finalı Bakıda ola bilər. Artıq son illərdir ki, Bakı idman şəhərinə çevrilib. Paytaxtda dünya və Avropa çempionatları da təşkil olunur. Futbol da ən böyük idman növüdür. Avropa Liqasının finalını uğurlu keçirdik. Ümid edirəm ki, Avropa çempionatındakı 4 matçı da uğurla təşkil edəcəyik. Çempionlar Liqasının finalına niyə ev sahibliyi etməyək?”