Florentino Perez Mbappedən narazıdır

“Real Madrid”in prezidenti Florentino Perez fransalı futbolçu Kylian Mbappedən narazıdır.

Sportline.az “relevo” nəşrinə istinadən xəbər verir ki, “Real Madrid” klubunun rəhbərliyi komandanın bu mövsüm üzləşdiyi əsas problemin qaynağının Mbappe olduğunu düşünür.

Mbappe “Real Madrid”dəki mövqeyindən şikayətçidir.

Ulduz futbolçu hücumun sol cinahında çıxış etmək istəyir. Lakin Ançelotti isə o cinahda Vinisiusa daha çox güvənir.

Bu səbəbdən Mbappe ilə klub arasında soyuq münasibət davam edir.

Qeyd edək ki, Mbappe bu mövsüm bütün turnirlər daxil olmaqla çıxış etdiyi 16 matçda 8 qol və 2 asistlə yadda qalıb.

25 yaşlı futbolçunun “Real”la müqaviləsi 2029-cu ilin iyun ayınadək nəzərdə tutulub.