Florentino Perezdən Vinisiusa dəstək

“Real Madrid”in prezidenti Florentino Perez brazilyalı futbolçu Vinisius Junior haqqında müsbət fikirlər səsləndirib.

Sportline.az insayder Fabritsio Romanonun paylaşımına istinadən xəbər verir ki, F.Perez jurnalistlərə müsahibəsində bu fikirləri söyləyib;

“Vinisius sən dünyanın ən yaxşı oyunçususan. Bunu bütün dünya bilir. Bilməyini istəyirəm ki, “Real Madrid” azarkeşləri səninlə fəxr edirlər, çünki bir çox ədalətsiz vaxtlarda və anlarda dözməli olduğun hər şeyə görə bütün bunlar səni bügünkü oyunçuya çevirdi”, - deyə Florentino Perez bildirib.

Qeyd edək ki, Vinisiusun “Real Madrid” klubu ilə müqaviləsi 2027-ci ilin iyun ayınadək nəzərdə tutulub.