İbrahimoviç qol vurdu, "Milan" qalib gəldi
"Milan" İtaliya A seriyasında növbəti oyuna çıxıb.
Sportline.az xəbər verir ki, komanda 19-cu turda səfərdə "Kalyari" ilə qarşılaşıb və 2:0 hesabı ilə qalib gəlib. Qonaqların ikinci qolunu yeni transfer Zlatan İbrahimoviç vurub. Bu, isveçli hücumçunun sabiq klubuna qayıdışından sonra ilk qolu olub.
"Kalyari" - "Milan" - 0:2
Qollar: Leao, 46, İbrahimoviç, 64
Bu nəticədən sonra "Kalyari" 29 xalla 6-cı, "Milan" 25 xalla 7-ci pillədə qərarlaşıb. "Yuventus" və "İnter" 45 xalla (18 oyun) 1-2-ci pillələri bölüşdürür. "Latsio" 39 xalla (17 oyun) 3-cüdür.
