"Keşlə" qələbə qazandı
Mövsümün ikinci yarısına hazırlaşan “Keşlə” bu gün yoxlama oyunu keçirib.
Sportline.az xəbər verir ki, Premyer Liqa klubu “ASK Arena”nın əsas meydançasında 1-ci divizion təmsilçisi “Qaradağ Lökbatan”la qarşılaşıb və 3:0 hesabı ilə qalib gəlib. Premyer Liqa təmsilçisinin heyətində Vüsal İsgəndərli, Ruslan Qurbanov və Ruslan Əmircanov fərqlənib.
Qeyd edək ki, “Keşlə” hazırlığın ikinci mərhələsi çərçivəsində yanvarın 12-də Türkiyənin Antalya şəhərinə yollanacaq. 14 gün davam edəcək təlim-məşq toplanışı zamanı komanda 3 yoxlama oyunu keçirəcək.
