"Konyaspor" Çağdaş Atanla yollarını ayırıb
Türkiyə Super Liqasında növbəti baş məşqçi istefası gerçəkləşib.
Sportline.az xəbər verir ki, "Konyaspor" Çağdaş Atanla yollarını ayırıb. Bu barədə klubun mətbuat xidməti məlumat yayıb.
45 yaşlı mütəxəssislə 2027-ci ilin yayına kimi nəzərdə tutulan müqaviləyə qarşılıqlı razılıq əsasında xitam verilib.
Qeyd: Çağdaş Atan 2025-ci ilin noyabr ayında "Konyaspor"un baş məşqçisi vəzifəsinə təyin olunmuşdu. "Ağ-yaşıllar" Super Liqada 20 turdan sonra 19 xal toplayıb və turnir cədvəlinin 14-cü pilləsində qərarlaşıb.
