Makqreqor-Çendler döyüşü təxirə salınıb
Məşhur irlandiyalı MMA döyüşçüsü Konor Makqreqorla 70 kq çəki dərəcəsində keçmiş UFC çempionu Maykl Çendler arasında keçiriləcək döyüş rəsmən ləğv edilib.
Sportline.az xəbər verir ki, bu barədə UFC-nin rəhbəri Dana Uayt sosial şəbəkələrdə məlumat verib.
Xatırladaq ki, Makqreqor və Çendler arasında döyüş iyunun 29-da Las-Veqasda keçiriləcək UFC 303 turnirində baş tutmalı idi.
Qeyd edək ki, Makqreqor son olaraq Dastin Porye ilə iki döyüş keçirib: 2021-ci ilin yanvarında irlandiyalı ikinci raundda nokautla uduzmuşdu, elə həmin ilin iyulunda keçirilən görüş isə birinci raundunda Konor Makqreqorun sol ayağının sınmasından sonra Poryenin texniki qələbəsi ilə nəticələnmişdi.
