Modriç Ançelotti haqqında danışıb
“Real Madrid”in kapitanı Luka Modriç baş məşqçi Karlo Ançelotti haqqında müsbət fikirlər səsləndirib.
Sportline.az xəbər verir ki, 39 yaşlı xorvatiyalı futbolçu Ançelottinin klub üçün önəmli şəxs olduğunu söyləyib.
“Karlo Ançelotti bizə çox şey verdi və əminəm ki, gələcəkdə bu komandaya daha böyük töhfələr verəcək. Karlo dünyanın ən yaxşı baş məşqçisidir. Məşqçilik karyerasında böyük uğurlar imza atmış dahi şəxsdir. Ona hər zaman böyük hörmətim olub. Bu mövsümdə uğurlu nəticələr əldə olunacaq. Sadəcə biraz zamana ehtiyacımız var”, - deyə Luka Modriç bildirib.
Qeyd edək ki, Ançelottinin “Real Madrid”lə müqaviləsi 2026-cı ilin yayına qədər nəzərdə tutulub.
