"Neftçi" iranlı futbolçunu transfer etdi

“Neftçi” heyətinə yeni oyunçu cəlb edib.

Sportline.az xəbər verir ki, “ağ-qaralar” İran liqasında mübarizə aparan Təbrizin “Maşın Sazi” klubunun kapitanı Saman Nəriman Cahanı transfer edib. 28 yaşlı sağ cinah vingeri paytaxt klubu ilə 1,5 illik müqavilə bağlayıb.

"Maşin Sazi”nin (2916-2017, 2019) kapitanı olmuş Saman İranın "Naft Tehran” (2012-2013), "Gostareş Fulad ” (2012-2013, 2013-2016, 2017-2018), "Traktor” (2014-2016), "Persepolis” (2017) və "Peykan" (2018-2019) klublarında çıxış edib. İran çempionatının qalibi (2017) olmuş futbolçu İran U-23 milli komandasında (2012) heyətində 6 oyun keçirib, 1 qola imza atıb.