Ramil Quliyev "İlin ən yaxşısı" adına namizəddir

Avropa Atletika Assosiasiyası 2017-ci ilin ən yaxşı atleti adına namizədlərin adlarını açıqlayıb. SportLine.az xəbər verir ki, siyahıda Türkiyəni təmsil edən azərbaycanlı Ramil Quliyevin də adı var.

Digər namizədlər isə fransalı onnövçü Kevin Mayerlə almaniyalı nizə atıcısı Yohannes Fetteldir.   

Qeyd edək ki, Ramil Quliyev 2017-ci ildə Londonda keçirilmiş dünya çempionatında 200 metr məsafəyə qaçışda qızıl medal qazanıb. Atlet avqustda Birmingemdə təşkil edilən "Brilliant Liqa"da da qalib olmuşdu.