“Real Madrid” klubu Arda Gülərlə bağlı qərar verib

İspaniyanın “Real Madrid” klubunun türkiyəli futbolçusu Arda Gülərin gələcək karyerası barədə suallara aydınlıq gəlib.

Sportline.az “Defensa Central” nəşrinə istinadən xəbər verir ki, Arda Gülər “Real Madrid” klubunundan ayrılmayacaq. Bu haqda məlumatı klubun prezidenti jurnalistlərə müsahibəsində söyləyib;

“Arda Gülər qış transfer pəncərəsi dövründə “Real Madrid”dən ayrılmayacaq. Bu barədə heç bir şübhə yoxdur. Arda “Real”ın oyunçusudur və burada qalacaq. Onun haqqında çıxan bütün xəbərlər şayiədir. Müzakirə bitdi”, - deyə Florentino Perez bildirib.

Qeyd edək ki, Arda Gülərin “Real Madrid” klubu ilə müqaviləsi 2029-ci ilin iyun ayınadək nəzərdə tutulub.

19 yaşlı futbolçu bu mövsüm 12 rəsmi matçda iştirak edib. Məhsuldarlıq göstəricisi yoxdur.