“Real Madrid”də Ançelotti skandalı

“Real Madrid”in italiyalı çalışdırıcısı Karlo Ançelotti verdiyi qərarlar səbəbindən tənqid atəşinə tuş gəlib.

Sportline.az “Marca” qəzetinə istinadən xəbər verir ki, “Milan”a qarşı matç zamanı “Real Madrid”in gənc oyunçuları Endrik və Arda Güler isinmə hərəkətləri etsələr də, Karlo Ançelotti onları oyuna salmayıb.

Arda Güler bu mövsüm 292 dəqiqə, Endrik isə 106 dəqiqə meydanda olub.

Azarkeşlər hər iki futbolçunu əsas heyətdə görmək istəyir.

Qeyd edək ki, “Real Madrid” öz meydanında “Milan”a 1:3 hesabı ilə məğlub olub.