"Real Madrid"ın yay transfer hədəfləri

"Real Madrid" növbəti mövsüm üçün heyəti gücləndirməyi planlaşdırır.

Sportline.az AS nəşrinə istinadla xəbər verir ki, Kral klubu qarşıdakı yay transfer pəncərəsində bir neçə ulduz futbolçunu "rənglərinə qatmaq" niyyətindədir.

Madridlilər 3 müdafiəçi və bir hücumçu ilə güclənəcəklər.

Transfer siyahısında "Liverpul"un sağ cinah müdafiəçisi Trent Aleksander-Arnold, "Bavariya"nın sol cinah müdafiəçisi Alfonso Devis, "Bayer"in mərkəz müdafiəçisi Jonatan Ta və Leverkuzen təmsilçisinin hücumameylli yarımmüdafiəçisi Florian Virts yer alır.

Qeyd edək ki, Virtsin "Bayer"lə müqaviləsinin müddəti 2027-ci ilədək olduğu halda, digər futbolçular mövsümün sonunda azad agent statusuna yiyələnəcəklər.