Xavyer Tebasdan sərt açıqlama
La Liqanın prezidenti Xavyer Tebas sərt açıqlaması ilə gündəmə gəlib.
Sportline.az “Marca” qəzetinə istinadən xəbər verir ki, X.Tebas jurnalistlərə müsahibəsində “Real Madrid”in prezidenti haqqında xoşagəlməz ifadələr səsləndirib.
“Florentino Perez “Real Madrid”in prezidenti olduğu müddətdə məni narahat edəcək. O, çox inadkar və dikbaş adamdır. O, həmişə hər şeydə haqlı olmaq istəyir. Son klub görüşlərində “Real Madrid”in futbolu xilas edəcəyini söylədi, özünü Məsih hesab edir”, - deyə Xavyer Tebas bildirib.
Qeyd edək ki, sözügedən şəxslər bundan əvvəl də bir çox məsələlərdə fikir ayrılığı ilə gündəmə gəliblər.
