"Anadolu Efes" yeni transferini açıqlayıb

"Anadolu Efes" "Toronto Reptor"s forması geyinən Cordan Nvoranı heyətinə qatıb.

Sportline.az Ntvspor.net-ə istinadla xəbər verir ki, İstanbul təmsilçisi nigeriyalı basketbolçu ilə 1+1 illik müqavilə imzalayıb.

25 yaşlı basketbolçu ötən mövsüm NBA-da oyun başına 7 xal, 2.9 ribaund və 1.2 asist ortalaması ilə çıxış edib.

Qeyd edək ki, Nvora daha əvvəl "İndiana Peysers" və "Miluoki Baks" klublarının uğurları üçün çalışıb.