Avropa çempionatı ilə bağlı qərar açıqlandı
UEFA koronavirusun yayılması ilə bağlı Avropa çempionatının proqramında dəyişikliyə ehtiyac olmadığını bəyan edib.
Sportline.az xəbər verir ki, bəyanatda bildirilir:
“AÇ-2020 iyunun 12-də İtaliyada başlanacaq. Turnirlə bağlı dəyişikliyə ehtiyac yoxdur. Bu məsələni yaxından izləyirik”.
Romadakı açılış matçında İtaliya və Türkiyə milliləri görüşəcək.
AÇ-2020-nin 4 oyunu Bakı Olimpiya Stadionunda keçiriləcək. Bunlardan 3-ü qrup, 1-i 1/4 final mərhələsinin oyunları olacaq.
