Azərbaycan çempionatına start verildi
Azərbaycanın açıq atletika çempionatına start verilib. SportLine.az xəbər verir ki, Dövlət Bədən Tərbiyəsi və İdman Akademiyasının stadionunda keçirilən yarışda yerli atletlərlə yanaşı, Gürcüstan, İran və Bəhreyn idmançıları da qüvvələrini sınayırlar. 150 atletin qatıldığı çempionatda, həm qızlar, həm də kişilər bacarıqlarını göstərirlər. Üçtəkanla tullanma, yadro itələmə, 100, 400 və 1500 metr məsafəyə qaçış və digər növlərdə fərqlənən idmançılar Azərbaycan Atletika Federasiyasının diplomu və pul mükafatı ilə təltif olunacaqlar.
Seçim xarakteri daşıyan Azərbaycan çempionatında qalib gələn atletlər iyunun 11-də Maltada başlanacaq Avropa çempionatında iştirak hüququ əldə edəcəklər.
