Azərbaycanda atıcılıq üzrə Dünya Kuboku mərhələsi keçirilə bilər

Azərbaycanda atıcılıq üzrə Dünya Kuboku mərhələsi keçirilə bilər.

Sportline.az xəbər verir ki, bunu Azərbaycan Atıcılıq Federasiyasının baş katibi Emin Cəfərov jurnalistlərə açıqlamasında deyib.

O bildirib ki, adıçəkilən yarışın 2024-cü ilin mayında təşkili planlaşdırılır: “Bu isə böyük yarış hesab olunur. Buna görə də, qarşıdakı illərdə Avropa çempionatının Azərbaycanda keçirilməsi nəzərdə tutulmur”.

Baş katib Bakıda təşkil olunan Avropa Atıcılıq Konfederasiyasının 29-cu Baş Assambleyasında müzakirə olunacaq məsələlər barədə də məlumat verib: “Baş assambleyada əsasən növbəti illərdə Avropa ölkələrində inkişaf planı müzakirə ediləcək. Eyni zamanda, 2027-ci ilə qədərki Avropa çempionatlarının hansı ölkələrdə keçiriləcəyi ilə bağlı səsvermə olacaq. Həmçinin, son iki ildə Avropa Atıcılıq Konfederasiyasında və qitə ölkələrində görülən işlər barədə hesabatlar veriləcək”.