Azərbaycanın güllə atıcısı Qran-pridə gümüş medal qazanıb
Azərbaycanın güllə atıcısı Ruslan Lunyov Xorvatiyanın Osiyek şəhərində keçirilən Qran-pridə gümüş medal qazanıb.
Gənclər və İdman Nazirliyinin mətbuat xidmətindən Sportline.az-a verilən məlumata görə, 23 yaşlı idmançı 10 m məsafəyə pnevmatik tapançadan atəş açma yarışında fərqlənib.
Bu, Lunyovun son bir həftədə ikinci medalıdır. Gənc atıcı yanvarın 15-də Sloveniyanın Ruşe şəhərində keçirilmiş Qran-pridə qızıl medal qazanıb.
