Bellingem: “Biz “Qızıl top” mükafatını iyun ayında qazandıq”

“Real Madrid” ingiltərəli ulduz futbolçusu Cud Bellingem maraqlı açıqlaması ilə gündəmə gəlib.

Sportline.az xəbər verir ki, Bellingem jurnalistlərə müsahibəsində “Qızıl top” haqqında danışıb.

“Biz “Qızıl top” mükafatını iyun ayında qazandıq. Söhbət Çempionlar Liqasının kubokundan gedir. Ötən mövsüm biz demək olar ki bütün titullara sahib çıxdıq. Bu mövsümdə hədəfimiz budur. “Qızıl top” mükafatına gəldikdə isə, onu bizdən biri almalı idi. Vinisius buna həqiqətən daha çox laiq idi. O mükəmməl futbolçudur. Hazırda dünyanın ən yaxşı futbolçusudur”, - deyə Bellingem bildirib.

Qeyd edək ki, Cud Bellingem bu mövsüm bütün turnirlər daxil olmaqla çıxış etdiyi 14 matçda 2 qol və 4 asistlə yadda qalıb.