Güllə atıcımız finala yüksəlib
Belarusun paytaxtı Minskdə keçirilən II Avropa Oyunlarının güllə atıcılığı yarışları davam edir.
Sportline.az xəbər verir ki, kişilərin kiçikçaplı tapança ilə 25 metrdən sürətli atəş açma yarışında təsnifat mərhələsi başa çatıb.
Azərbaycan təmsilçisi Ruslan Lunyovun çıxışı uğurlu alınıb. İki gün davam edən təsnifat mübarizəsində idmançımız 573 xal yığıb.
Təcrübəli güllə atıcısı bütün rəqiblərini qabaqlayaraq mərhələnin qalibi olub. O, bu gün axşam saatlarında medallar uğrunda mübarizə aparacaq 8 atıcı arasında yer alıb.
