Halkdan "gəncləşdirmə siyasəti"

Çinin "Şanxay SİPG" klubunun futbolçusu Halk 7 aydır boşandığı həyat yoldaşının qardaşı qızı Kamila ilə evlənib.

Sportline.az xəbər verir ki, Braziliya millisinin sabiq üzvü bunu şəxsi İnstaqram səhifəsində qeyd edib. Bir neçə aydır Çində birlikdə yaşayan cütlük münasibətlərini rəsmiləşdirib.

Qeyd edək ki, 33 yaşlı Halk əvvəlki həyat yoldaşı İran Souza ilə 12 illik evlilik həyatından sonra ayrılıb. Ötən yay boşanan cütlüyün bu evlilikdən 3 uşağı dünyaya gəlib.