İki güləşçimiz dünya çempionatının finalında
Serbiyanın paytaxtı Belqradda güləş üzrə dünya çempionatı davam edir.
Sportline.az xəbər verir ki, yunan-Roma güləşçisi Ülvi Qənizadə bu gün çempionatın yarımfinal görüşünə çıxıb.
72 kq-da mübarizə aparan idmançı türkiyəli Selçuk Canla qarşılaşıb. Rəqibinə 4:3 hesabı ilə qalib gələn Qənizadə finala yüksəlib. O, qızıl medal uğrunda görüşdə serbiyalı Ali Arsalanı sınağa çəkəcək.
Daha əvvəl 55 kq-da mübarizə aparan Eldəniz Əzizli dünya çempionatında həlledici qarşılaşmaya vəsiqə qazanıb.
Final görüşləri sentyabrın 11-də keçiriləcək.
