İspaniya La Liqası üçün maraqlı təklif

Tenerife şəhərinin Otelçilər Birliyi İspaniya Kral Futbol Federasiyasını və La Liqa rəhbərliyini çempionat oyunlarını Kanar adalarında keçirməyə dəvət edib.

Sportline.az xəbər verir ki, birliyin nümayəndələri adaların İspaniyadan ayrı olduğuna əsaslanaraq bu seçimi təklif edib. Kanar adalarında Sequnda təmsilçiləri  - “Las Palmas” və “Tenerife” klubları qərarlaşıb.

Bundan əlavə, adalarda turistlər üçün bir neçə otel inşa edilib. Bildirilib ki, burada La Liqa və Sequnda komandalarının işçiləri yerləşdirilə bilər.

Qeyd edək ki, İspaniya La Liqası martın 12-də koronavirusa görə dayandırılıb.