"Neftçi"də yarpaq tökümü başladı
"Qəbələ"yə 08 hesablı məğlubiyyətdən sonra ciddi islahatlar gözlənilən "Neftçi" futbol klubunda yarpaq tökümü başlanıb. SportLine.az xəbər verir ki, klubun Müşahidə Şurası 3 nəfəri vəzifəsindən uzaqlaşdırıb. "Neftçi” PFK aşağıdakı qərarları qəbul edib:
- Vəli Qasımov "A” komandanın baş məşqçisi vəzifəsindən azad edilsin;
- Elnur Məmmədov klubun icraçı direktoru vəzifəsindən azad edilsin;
- Mübariz Xudiyev klubun icraçı direktorunun idman məsələləri üzrə müavini vəzifəsindən azad edilsin;
- İcraçı direktorun idman məsələləri üzrə müavini vəzifəsi klubun struktur dəyişikliyi ilə əlaqədar olaraq ləğv edilsin.
