"Panatinaikos" ulduz oyunçu ilə müqaviləni yenilədi

Kendrik Nan 2 il daha "Panatinaikos" şərəfini qoruyacaq.

Sportline.az klubun rəsmi saytına istinadla xəbər verir ki, kişilərdən ibarət basketbol komansası ABŞ-li basketbolçu Kendrik Nan ilə 2 illik müqavilə imzalayıb.

Kendrikin müqaviləsində həm bu yay, həm də gələn yay üçün NBA-ya çıxış maddəsi yer alıb.

Ulduz basketbolçu iki ildə ümumi olaraq 5 milyon avro qazanacaq.

Qeyd edək ki, Avroliqanın pley-off mərhələsində "Makkabi"ni 5 oyunun nəticəsinə görə məğlub edən "Panatinaikos" Almaniyada keçiriləcək dörtlər finalına vəsiqəni təmin edib.