Paris 2024: Basketbol yarışlarında yarımfinalçılar məlum olub

Parisdə keçirilən Yay Olimpiya Oyunlarında kişilərin basketbol yarışında 3 yarımfinalçının adına aydınlıq gəlib.

Sportline.az xəbər verir ki, günün ilk oyununda Almaniya millisi Yunanıstanı 76-63 hesabı ilə məğlub edərək növbəti mərhələyə yüksəlib.

İkinci görüşdə meydana Serbiya və Avstraliya milliləri çıxıblar.Görüş avropalıların 95-90 hesablı qələbəsi ilə yekunlaşıb.

Üçüncü görüşdə Fransa və Kanada milliləri üz üzə gəliblər. 82-73 hesablı qələbəyə sevinən ev sahibi Fransa millisi adını son 4-ə yazdırıb.

Qeyd edək ki, günün son oyunu Braziliya və ABŞ millisi arasında keçiriləcək.Matç saat 23:30-da başlayacaq.