Türkiyə millisi Millətlər Liqasının qalibi oldu

Türkiyənin qadın voleybol millisi 2026 FIVB Millətlər Liqasının qalibi olub.

Sportline.az xəbər verir ki, “ay ulduzlular” Çində keçirilən finalda Braziliya ilə qarşılaşıb. Türkiyə yığması rəqibinə 3:1 hesabı ilə qalib gələrək çempionluq qazanıb.

Türkiyə millisi ilk setdə 23:25 hesabı ilə uduzub. Komanda növbəti setlərdə 25:23, 26:24 və 25:21 hesabları ilə üstün olub və çempionluğu təmin edib.

Türkiyə 2018-ci ildən keçirilən Millətlər Liqasının final mərhələsində ardıcıl 8-ci dəfə iştirak edib və tarixində ikinci dəfə bu yarışda qızıl medal qazanıb. Komanda ilk çempionluğunu 2023-cü ildə finalda Çini məğlub etməklə əldə etmişdi.