Ülvi Qənizadə: "Növbəti hədəfim dünya çempionu olmaqdır"
Xorvatiyada keçirilən Avropa çempionatında uğurlu çıxış edən yunan-Roma güləşi üzrə millimiz bu gün Vətənə dönüb.
Sportline.az xəbər verir ki, Zaqreb sınaqlarını qələbə ilə başa vuran Ülvü Qənizadə (72 kq) jurnalistlərə açıqlamasında növbəti hədəfini bildirib:
“Karyeramda ilk dəfə Avropa çempionu oldum. Buna görə çox sevinirəm. Məni ilk təbrik edən anam oldu. Qələbəmi şəhidlərimizin və atamın ruhuna həsr edirəm. Növbəti hədəfim dünya çempionu olmaqdır. Arxayınlaşmaq olmaz. İnanıram ki, uğurun ardı gələcək”.
