Yurçeviç ailəsində şad xəbər
Futbol üzrə Azərbaycan millisinin sabiq baş məşqçisi Nikola Yurçeviç baba olub.
Sportline.az xəbər verir ki, xorvatiyalı mütəxəssisin oğlan nəvəsi dünyaya gəlib.
Bu barədə körpənin anası Lana Yurçeviç "Instagram" səhifəsində paylaşım edib. O, uşağın adını Aleksandar qoyduqlarını bildirib.
N.Yurçeviçin qızı ötən ilin sonunda makedoniyalı futbolçu Risto Mitrevski ilə ailə həyatı qurub.
Qeyd edək ki, 2019-cu il fevralın 11-də Azərbaycan millisinə baş məşqçi təyin olunmuş Nikola Yurçeviç dekabrın 13-də AFFA İcraiyyə Komitəsinin qərarı ilə istefaya göndərilib.
